*YABON DAYA DAGA CIKIN GWARAZAN SHEKARAR*– *2025*- *NA MUJALLAR AJAMI-BOOKO*
*يَبُون غْورَازَن شٖيكَورَر– ٢٠٢٥* *نَا مُجَلَّر أَجَمِي-بُوكُو*
*
Mujallar Ajami-Booko na mika Goron jinjna da gaisuwa ta musamman tare da yabo da girmamawa ga Honarabul Ali Abu Albaba, Dan Majalisar Dokokin Jihar Katsina mai wakiltar Karamar Hukumar Katsina, bisa jajircewarsa da kwazon da yake nunawa a aikin majalisa.
مُجَلَّر أَجَمِي بُوكُو نَا مِيقَ غُورُون جِنجِنَ دَ غَيسُوَا تَا مُسَمَّن تَارٖي دَ يَبُو دَ غِرْمَمَوَا غَ هُونَرَبُل عَلِي أَبُو أَلْبَابَ، طَنْ مَجَلِيسَر دُوكُوكِين جِهَر كَشِنَه مَي وَكِلْتَر قَرَمَر هُكُومَر كَشِنَه، بِسَ جَاجِرْچٖيوَرْسَا دَ كْوَازُن دَ يَكٖي نُونَاوَا أَ أَيْكِن مَجَلِيسَ.
Honarabul Ali Abu Albaba ya zama abin koyi wajen wakilci nagari, inda ya tsaya, tsayin daka wajen gabatar da kudurori da tsare-tsaren da ke amfani ga al’ummar mazabarsa, da Jihar Katsina da kasa baki daya.
هُونَرَبُل عَلِي أَبُو أَلْبَابَ يَ زَمَا أَبِنْ كُوْيِ وَجٖين وَكِلْچِي نَغَرِي، إِنْدَا يَ تْيَا تْيِن دَكَا وَجٖين غَبَاتَر دَ قُدُورُورِي دَ تْارٖي-تْارٖين دَ كٖي أَمْفَانِي غَ أَلْأُمَّر مَزَبَرْسَا، دَ جِهَر كَشِنَا دَ قَسَ بَاكِي طَيَ.
Ayyukansa sun nuna kishin kasa, gaskiya da rikon amana, tare da fifita muradun jama’a fiye da komai.
أَيُّوكَنْسَا سُنْ نُونَا كِيشِن قَسَا، غَسْكِيَا دَ رِيكُن أَمَانَ، تَارٖي دَ فِيفِيتَا مُرَادُن جَمَعَ فِييٖي دَ كُومَي.
Mujallar Ajami-Booko ta zabo Honarabul Ali Abu Albaba a matsayin Gwarzon Shekarar 2025 ne sakamakon yadda yake kulawa da addini, tare da girmama kowa ba tare da nuna bambanci ba.
مُجَلَّر أَجَمِي بُوكُو تَا زَابٗو هُونَرَبُل عَلِي أَبُو أَلْبَابَ أَ مَتَْيِن غْورْزُن شٖيكَارَر ٢٠٢٥ نٖي سَبُودَا يَدْدَا يَكٖي كُلَاوَا دَ أَدِّينِي، تَارٖي دَ غِيرْمَمَا كُووَا بَا تَرٖي دَ نُونَا بَمْبَنْچِي بَا.
Yana bai wa matasa da mata muhimmanci na musamman, musamman a bangaren ilimi, koyon sana’o’i, dogaro da kai, da kuma basu dama wajen shiga harkokin hidimar al’umma.
يَنَ بَي وَ مَتَسَا دَ مَاتَ مُهِمَّنْچِي نَا مُسَمَّن، مُسَمَّن أَ بَنْغَرٖين إِلِيمِي، كُويُن سَنَاأُوئِي، دُوغَرُو دَ كَي، دَ كُومَا بَاسُ دَامَ وَجٖين شِغَا هَرْكُوكِين هِيدِيمَر أَلْأُمَّا.
Haka kuma, Honarabul Ali Abu Albaba ya shahara wajen tallafa wa marasa galihu, sauraron koke-koken jama’a, da kasancewa kusa da al’ummar da ya ke wakilta, abin da ya kara masa karbuwa da soyayya a zukatan mutane.
هَكَا كُومَا، هُونَرَبُل عَلِي أَبُو أَلْبَابَ يَ شَهَرَا وَجٖين تَلَّافَا وَ مَرَاسَا غَلِيهُو، سَورَارُن كُوكٖي-كُوكٖين جَمَاعَا، دَ كَسَنْچٖيوَا كُوسَا دَ أَلْأُمَّر دَ يَ كٖي وَكِلْتَا، أَبِنْ دَ يَ قَارَا مَسَا كَرْبُووَا دَ سُويَيَّا أَ زُوكَاتَنْ مُتَانٖي.
Mujallar Ajami-Booko na alfahari da irin wannan shugaba, tare da addu’ar Allah Ya kara masa basira, karfi da ikon ci gaba da yi wa al’umma hidima bisa tafarkin adalci da gaskiya.
مُجَلَّر أَجَمِي بُوكُو نَا أَلْفَهَرِي دَ إِيرِن وَنَّن شُوغَبَا، تَارٖي دَ أَدُّعَر الله يَا قَارَ مَسَا بَسِيرَا، قَرْفِي دَ إِيكُون چِي غَبَا دَ يِي وَ أَلْأُمَّا هِيدِيمَا بِيسَا تَفَرْكِين أَدَلْچِي دَ غَسْكِيَا.
Honarabul Ali Abu Albaba – Gwarzon Shekarar 2025
هُونَرَبُل عَلِي أَبُو أَلْبَابَ – غْوَرْزُن شٖيكَرَر ٢٠٢٥
Jagora nagari, wakili na gaskiya, abin koyi ga al’umma.
جَاغُورَا نَغَرِي، وَكِيلِي نَ غَسْكِيَا، أَبِنْ كُوْيِ غَ أَلْأُمَّا.
RMC HAUSA